ޖުޑީޝަލް ސަރވިސް ކޮމިޝަނުން ވިދާޅުވީ، ށ.ކޮމަންޑޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛާ ޙައްވާ އިބްރާހީމް، ހދ.ކުޅުދުއްފުށީ މެޖިސްޓްރޭޓް ކޯޓުގެ މެޖިސްޓްރޭޓްގެ މަޤާމަށް ބަދަލުކުރުމަށް އެކޮމިޝަނުން ނިންމާފައިވާ ކަމަށެވެ. އަދި އެގޮތަށް ނިންމާފައި ވަނީ، އިސްމެޖިސްޓްރޭޓް އަލްއުސްތާޛާ ޙައްވާ އިބްރާހީމް އެކަމަށް އެދިވަޑައިގެން ހުށައަޅުއްވާފައި ވާތީކަމުގައި ޖޭއެސްސީން ވަނީ ވިދާޅުވެފައެވެ.

ކޯޓުގައި ޝަރީއަތްތައް ހިނގަމުންދާ ވަގުތު، ދިވެހި ބަހުން ދެކެވޭ ވާހަކަތައް ވަގުތުން ވަގުތަށް ލިޔެވޭ "ކޭލި" ސޮފްޓްވެއާ މިއަދު ތައާރަފްކޮށްފިއެވެ. މިކަމަށްޓަކައި ބޭއްވި ހާއްސަ ރަސްމިއްޔާތެއްގައި، މި ސޮފްޓްވެއާ އިފްތިތާހުކޮށްދެއްވީ ރާއްޖޭގެ އުއްތަމަ ފަނޑިޔާރު އަހުމަދު މުއުތަސިމް އަދުނާނެވެ.

ސުޢޫދު، ޖުޑީޝަލް ސަރވިސް ކޮމިޝަންގެ މެންބަރުކަމަށް ޢައްޔަނުކުރެއްވީ ޤާނޫނުއަސާސީގެ 158 ވަނަ މާއްދާގެ (ށ) އާއި، ޖުޑީޝަލް ސަރވިސް ކޮމިޝަނުގެ ޤާނޫނު (ޤާނޫނު ނަންބަރު 2008/10) ގެ 3 ވަނަ މާއްދާގެ 2 ވަނަ ނަންބަރުގައި ބަޔާންކޮށްފައިވާ ގޮތުގެމަތިން، ސުޕްރީމްކޯޓުގައި ހިމެނޭ ފަނޑިޔާރުންގެ ތެރެއިން، އެ ކޯޓުން އިންތިޚާބުކުރާ ފަނޑިޔާރުގެ ހައިސިއްޔަތުންނެވެ.

ޢަލީ އާދަމް މަޤާމުން ވަކިކޮށްފައި ވަނީ، އޭނާ އާއި މެދު ހުށައެޅުނު ސަުލޫކީ މައްސަލަ ބަލައި، އޭނާ މަޤާމުން ވަކިކުރަން ޖޭއެސްސީ ހުށައެޅުމާއި ގުޅިގެން އެމައްސަލަ ރައްޔިތުންގެ މަޖިލީހުގެ ޖުޑިޝަރީ ކޮމިޓީން ބަލައި، މަޖިލީހުގެ ތަޅުމުގައި މިއަދު ވޯޓު ނަގައިގެންނެވެ.

އެކޮމިޝަނުން ވިދާޅުވީ، މެޖިސްޓްރޭޓް ކަމުގެ މަޤާމަށް ކުރިމަތިލާން އެދޭ ފަރާތްތަކުން، 31 ޑިސެންބަރު 2023 ވަނަ ދުވަހުގެ މެންދުރު 12:00 ގެ ކުރިން އެ ކޮމިޝަނުގެ ފަހިރެސް ޕޯޓަލް މެދުވެރިކޮށް ހުށައެޅުއްވުމަށް އެދޭ ކަމަށެވެ.